Eskola-asegurua

Zer da?

Aseguru honek ikasketa ofizialak egiten ari diren 28 urtetik beherako ikasleak babesten ditu, Derrigorrezko Bigarren Hezkuntzako (DBH) 3. mailatik unibertsitateko hirugarren zikloaren amaierara arte, osasun-prestazioen eta prestazio ekonomikoen bidez, gaixotasuna, eskola-istripua edo familia-ezbeharra gertatuz gero.

Prestazioak

  • Eskola-istripua:laguntza medikoa eta farmazeutikoa, ezintasunagatiko kalte-ordain ekonomikoak eta ehorzketa-gastuak.

  • Gaixotasuna:laguntza medikoa, farmazeutikoa eta ehorzketa-gastuak. Kirurgia orokorra, neuropsikiatria, tokologia, biriketako eta hezurretako tuberkulosia barne. Zenbait kasutan, fisioterapia, kimioterapia, erradioterapia, kobaltoterapia eta aurpegi-masailetako kirurgiako prestazioak eman daitezke.

  • Familia-ezbeharra:familiaburuaren heriotzagatiko edo familia-hondamenagatiko prestazio ekonomikoa.

Onuradunak

Eskola-aseguruaren prestazioen onuraduna ikaslea da, istripuaren edo gaixotasunaren ondoriozko heriotzagatiko kalte-ordainetan izan ezik, kasu horretan familiakoak izango baitira onuradun.

Betekizunak

  • 28 urte baino gutxiago izatea eta espainiarra edo Espainian legezko bizilekua duen atzerritarra izatea.

  • Aseguruan jasotako ikasketetan matrikulatuta egotea eta dagokion kuota ordainduta izatea.

Aseguruaren ordainketa

1,20 euroko kostua du, eta zentroko materialen urteko kuotarekin batera ordaintzen da. Institutuak Gizarte Segurantzaren Diruzaintzari helarazten dio zenbateko hori ikasturte hasieran.

Informazio gehiago